மொபைல் தானாக வாழ்த்தனுப்ப--அந்த சத்தம் எப்படி இருக்கும்?--வாழ்த்துக்களை வீடியோவாக அனுப்ப…--கம்ப்யூட்டரை உங்கள் பிரண்டாக மாற்ற--கணினி -சில ஆலோசனைகள்--டவுண்லோட் ஏன் நடுவில் முறிகிறது?

மொபைல் தானாக வாழ்த்தனுப்ப

மொபைல் போன் பயன்பாட்டில் அதிகம் பயன் படுத்தப்படுவது எஸ்.எம்.எஸ். என்னும் குறுஞ்செய்தி அனுப்பிப் பெறுவதுதான். சில நிறுவனங்கல் தங்கள் மொபைல் திட்டங் களில் எஸ்.எம்.எஸ். செய்தி அனுப்ப கட் டணம் வசூலிப்பதில்லை; அல்லது நாளொன்றுக்கு 100 எஸ்.எம்.எஸ். வரை இலவசம் என்று சலுகை தருகின்றனர். இதைப் பயன்படுத்திக் கொண்டு பேசுவதற்குப் பதிலாக இன்டர்நெட் இன்ஸ்டண்ட் மெசஞ்சர் போல பலர் எஸ்.எம்.எஸ். மூலம் தங்கள் உரையாடலை மேற்கொள்கின்றனர்.

ஆனாலும் மிகவும் பொறுப்பான வழி யிலும் எஸ்.எம்.எஸ். செய்திகள் பரிமாறப் படுகின்றன. இவற்றில் மிக முக்கியமானது குறிப்பிட்ட நாட்களில் ஒருவருக்கு வாழ்த்து செய்தி அனுப்புவதுதான். பிறந்த நாள், திருமணநாள் மற்றும் பண்டிகை நாட்களில் வாழ்த்துச் செய்திகள் அனுப்புவது மொபைல் பயன்பாட்டில் இப்போது நடை முறை வழக்கமாகவே மாறிவிட்டது. அதனால் ஒருவரிடமிருந்து ஏன் செய்தி வரவில்லை என அவரின் நண்பர் அல்லது உறவினர் கோபித்துக் கொள்வதும் சகஜமாகிவிட்டது. ஏனென்றால் பண்டிகை நாட்களில் வாழ்த்து சொல்வது நமக்கு எளிதானது. ஆனால் பிறந்த நாட்கள் மற்றும் மணநாட்களை நினைவில் வைத்து வாழ்த்து அனுப்புவது நம்மில் பலருக்கு தடுமாறும் செயலாக அமைந்துவிடுகிறது. மிகவும் உற்றவர்களின் இந்த நாட்கள் கூட மறந்துவிடுகிறது.

மொபைல் போன்களில் ரிமைண்டர் என ஒரு வசதி உள்ளது.இது அந்த அந்த நாட்களில் நமக்கு நினைவு படுத்தும். இருந்தாலும் அந்த ரிமைண்டரைப் பெற்று நம் வேலைகளிடையே வாழ்த்துச் செய்தி அனுப்புவதையும் நாம் மறந்திடக்கூடும். இதற்குப் பதிலாக செட் செய்தால் மொபைல் போன் தானாகவே வாழ்த்துச் செய்தி அனுப்பினால் எவ்வளவு நன்றாக இருக்கும். ஒரு முறை ஒவ்வொருவரின் நாட்கள், அதற்கான செய்திகள் என அனைத்தையும் செட் செய்துவிட்டு இருந்துவிடலாமே!

இந்த வசதியைத் தரும் வகையில் மொபைல் போனுக்கான சாப்ட்வேர் ஒன்று நமக்குக் கிடைக்கிறது. இந்த சாப்ட்வேர் புரோகிராமின் பெயர் எஸ்.எம்.எஸ்.டைமர் (SMS Timer). இதன் மூலம் குறிப்பிட்ட காலத்தில், நேரத்தில் ஒருவருக்கோ அல்லது பலருக்கு மொத்தமாகவோ ஒரு செய்தியை அனுப்பும்படி செட் செய்திட முடியும். இப்படியே பல செய்திகளை வெவ்வேறு நாட்களில் அனுப்ப முன்கூட்டியே திட்டமிட்டு அமைத்திடலாம். இதன் சிறப்பு என்ன வென்றால் இதற்கு இன்டர்பேஸ் எதுவும் தேவையில்லை. மேலும் பயன்படுத்துவதும் எளிது.

இந்த புரோகிராமைப் பதிந்துவிட்டால் எஸ்.எம்.எஸ். அனுப்ப முயற்சிக்கையில் டெக்ஸ்ட்டுக்கான பாக்ஸ் தரப்படும். செய்தியை டைப் செய்தவுடன் இந்த செய்தியை இப்போது அனுப்பவா? அல்லது அனுப்ப வேண்டிய நேரம் மற்றும் நாளைத் திட்டமிடவா? என்று கேட்கும். உங்கள் விருப்பப்படி ஆப்ஷன் தேர்ந் தெடுக்கலாம். திட்டமிட (Schedule) விரும்பினால் உடனே அதற்கான தேதி நேரம் மற்றும் பெறுபவரின் மொபைல் எண் கேட்டு வாங்கி போனில் பதிவு செய்யப்படும்.

ஒரு எஸ்.எம்.எஸ். செய்தியில் 1600 கேரக்டர்கள் வரை இருக்கலாம். ஒரே நேரத்தில் 1000 எஸ்.எம்.எஸ். வரை அனுப்பலாம். செய்தி அனுப்பப்பட்டு விட்டதற்கான டெலிவரி ரிப்போர்ட்டும் உடனே உங்களுக்குக் கிடைக்கும். ஓராண்டுக்கு முன் வரை இதில் செய்திகளை அனுப்ப செட் செய்திடலாம்.

இதனால் வெவ்வேறு நேரத்தில் இயங் கும் வெளிநாடுகளில் உள்ள நண்பர்களுக்கு இதன் மூலம் சரியான நேரத்திற்கு மெசேஜ் அனுப்புவது எளிதாகிறது. செட் செய்த மெசேஜ் மற்றும் நாட்களை மீண்டும் மாற்றி அமைக்கலாம். அதே போல இந்த அப்ளிகேஷனை நாம் விரும்பாத போது இயங்காமல் நிறுத்தி வைக்கலாம்.

இந்த அப்ளிகேஷன் புரோகிராமினை www.getjar.com என்ற முகவரியில் உள்ள இணைய தளத்திலிருந்து இறக்கிக் கொள்ளலாம். இதன் லேட்டஸ்ட் பதிப்பு எஸ்.எம். எஸ்.டைமர் 2.0. இது சிரீஸ் 60 உள்ள மொபைல் போன்களில் செயல்படும். இதனை இலவசமாக டவுண்லோட் செய்து கொள்ளலாம். இலவசமாக முதல் 5 எஸ்.எம்.எஸ். வரை அனுப்பலாம். அதன் பின் இதற்குக் கட்டணம் செலுத்த வேண்டும்.

இதன் மூலம் எஸ்.எம்.எஸ். அனுப்ப வேறு தனி கட்டணம் இல்லை. இவற்றிற்கு உங்கள் சர்வீஸ் புரவைடர் எவ்வளவு கட்டணம் வசூலிக்கிறார்களோ அவ்வளவு மட்டும் தான்.

அந்த சத்தம் எப்படி இருக்கும்?

அந்த சத்தம் எப்படி இருக்கும்?

ஒரு அழகான பறவையின் படத்தை காலண்டர் ஒன்றில் பார்க்கிறோம். அந்த பறவையின் அழகில் ரசிக்கும் நாம் அதன் பெயரைக் குறித்து வைத்துக் கொள்கிறோம். ஆனால் அது எப்படிக் கூவும் என்று அறிந்து கொள்ள முயற்சிக்கிறோமா? இல்லை; ஏனென்றால் எங்கு போய் அதனை அறிந்து கொள்வது என்ற எண் ணத்தில் விட்டுவிடுகிறோம்.

நம் தேடுதல் எதுவாக இருந் தாலும் நிறைவேற்றும் கம்ப்யூட்டர் சர்ச் இஞ்சின்கள் இது போன்ற சத்தத்தைத் தேடும் சர்ச் இஞ்சின் எதனயாவது உரு வாக்கி உள்ளனவா என்று என் நண்பரைக் கேட்ட போது சான்ஸே இல்லை என்று கை விரித்தார். தன் முயற்சியில் சற்றும் தளராத விக்கிரமாதித்தன் போல தொடர்ந்து இணையத்தில் தேடுகையில் அதற்கென ஓர் இணைய தளம் இருப்பது கண்டறியப்பட்டது. http://www.findsounds.com/  என்பது அந்த தளத்தின் முகவரி.

இந்த தளம் சென்றால் ஒலிகளைத் தேடப் பல வழிகள் உள்ளன. ஒலிகளைச் சொற் களாகக் கொடுத்து அது எப்படி இருக்கும் என அறியலாம். மியாவ், கர்ர்ர்ர் என் றெல்லாம் கொடுத்து அந்த ஒலியினைக் கேட்கலாம். இந்த ஒலிக்கான பைல் எந்த பார்மட்டில் இருக்க வேண்டும் என் பதனையும் நீங்கள் உங்கள் ஆப்ஷனில் வைத்துக் கொள்ளலாம். ஏனென்றால் எந்த பார்மட்டை உங்கள் கம்ப்யூட்டர் இயக்குமோ அந்த வழியில் பெற்றால் தானே கேட்க முடியும்.

அடுத்து விலங்கு, பறவைகளின் பெயர்களைக் கொடுத்து அவற்றின் வெவ்வேறு விதமான ஒலியைக் கேட் கலாம். உங்கள் தேடலுக்கான வேறு வேறு ஒலிகளின் பைல்கள் இருக்கும் தளங்களின் அல்லது பைல்களின் முகவரிகள் கொடுக்கப்பட்டு அருகேயே ஒரு ஸ்பீக்கரின் படமும் இருக்கும். அதில் கிளிக் செய்தால் ஒலி கிடைக்கும். ஒலி அலை எப்படி இருக்கும் என்று படமாகவும் காட்டப்படுகிறது. இதன் மூலம் ஒன்றின் ஒலியை இன்னொன்றுடன் ஒப்பிட்டுப் பார்த்து கேட்கலாம்.

இன்னும் என்னவெல்லாம் கேட்கலாம் என்று தெரிந்து கொள்ள ஆசையா? கீழாக Need Examples என்று ஒரு பிரிவு உள்ளது. இதில் இயற்கை, விலங்குகள், இசைக் கருவிகள், விடுமுறைநாட்கள், வீட்டில் உள்ள சாதனங்கள் (nature, animals, musical instruments, holidays, household) என இதன் பட்டியல் பெரிதாக உள்ளது. எந்த பிரிவையும் கிளிக் செய்து தேடும் ஒலியினைப் பெறலாம்.

எத்தனைதான் இருக்கிறது? ஒரு வழி காட்டக் கூடாதா? என்று எண்ணுகையில் இதன் ஹெல்ப் மெனு நமக்கு உதவுகிறது. இதில் என்ன வகை பார்மட்டில் சவுண்ட் பைல்கள் கிடைக்கின்றன, ரெசல்யூசன் எவ்வளவு, அவற்றை இயக்க என்ன புரோகிராம் உங்கள் கம்ப்யூட்டரில் இருக்க வேண்டும் எனப் பல வழிகளில் நமக்கு உதவிக் குறிப்புகளைத் தருகிறது.  நான் இந்த தளம் சென்று பூனையின் குரல் எப்படி எல்லாம் இருக்கும் என்று பார்த்தேன். முதலில் ஒலி குறைவாக இருந்ததால் ஸ்பீக்கரின் அளவை உயர்த்தி கிளிக் செய்தேன்.

பூனையின் சத்தம் வந்தது; என் வீட்டுப் பூனை என் அருகே வந்து கம்ப்யூட்டரைச் சிறிது நேரம் உற்றுப் பார்த்துவிட்டு என்னை ஒரு பார்வை பார்த்து. அதில் நீ என்னைப் போல் சத்தம் போட்டு பார்த்தாயா? என்ற கோபக் கேள்வி இருந்தது. அடுத்து சோஷியல் அனிமல் என அழைக்கப்படும் மனிதனின் குரல் எப்படி இருக்கிறது என்று இது காட்டுமா என்ற கேள்வியுடன் ட்ச்ண என டைப் செய்து பார்த்தேன். பல பைல்கள் பட்டியலிடப்பட்டன.

மனிதன் ஒவ்வொரு வேளையிலும் எப்படி எல்லாம் குரலிடுவான் என பலவகையான சத்தம் வந்தது. பயந்து போய் வெளியேறினேன். ஒவ்வொருவரும் அவசியம் பார்க்க வேண்டிய சவுண்டான தளம் இது.

வாழ்த்துக்களை வீடியோவாக அனுப்ப…

வாழ்த்துக்களை வீடியோவாக அனுப்ப…

இமெயில், இணைய தள வாழ்த்து அட்டைகள், மொபைல் எஸ்.எம்.எஸ் என எந்தவித செலவும் இன்றி வாழ்த்துக்களை பண்டிகைக் காலங் களில் அனுப்புகிறோம். செலவு எதுவும் இல்லாததால், அல்லது குறைந்த செலவில் அனுப்ப முடிகிறது என்பதால் இவை குவிகின்றன.  இந்த வரிசையில் இப்போது வீடியோ கிளிப்புகளை வாழ்த்துக்களாக அனுப்பும் வசதி கிடைத்துள்ளது. யாரும் வீடியோ கிளிப்புகளை இணையத்தில் பதிந்து வைத்திட வசதி தந்த கூகுள் நிறுவனம் தன் இணைய தளத்தில் இந்த வசதியினைத் தந்துள்ளது. இதனை அனுப்புவதும் மிக எளிதாக அமைக்கப்பட்டுள்ளது.

முதலில் கூகுள் யு–ட்யூப் தளம் செல்ல வும். உங்கள் அக்கவுண்ட்டில் லாக் ஆன் செய் திடுங்கள். உங்களுக்கு அக்கவுண்ட் இல்லை என்றால் ஒன்றை உருவாக்குங்கள். பின் http://www.youtube.com/greetings  என்ற முக வரியில் உள்ள தளத்திற்குச் செல்லுங்கள்.  இந்த தளத்திற்கு நீங்கள் எடுத்துச் செல்லப்படுவீர்கள். இங்கு பலவகையான வாழ்த்து வீடியோ கிளிப்புகள் தரப்பட்டிருக் கும். இதில் உங்களுக்குப் பிடித்த ஒன்றைத் தேர்ந்தெடுக்கவும். இந்த வீடியோ கிளிப் புகளைக் காட்டிலும் இன்னும் சிறப்பாக நீங்கள் எதிர்பார்த்தால் கீழாகச் சென்று எதிர்பார்க்கும் வீடியோக்களுக்கேற்ற சில சொற்களை அமைத்துத் தேடலாம். பின் கிடைக்கும் வீடியோ கிளிப்புகளில் ஒன் றைத் தேர்ந்தெடுக்க வேண்டும்.

வீடியோ கிளிப் ஒன்றைத் தேர்ந்தெடுத்த வுடன் ஒரு பாப் அப் ஸ்கிரீன் கிடைக்கும். அதில் இந்த வீடியோவினை வாழ்த்தாக அனுப்ப கூடுதல் அம்சங்களை இணைக் கலாம். பேக் கிரவுண்ட் தீம் அமைக்கலாம். பெர்சனல் மெசேஜ் ஒன்றை டைப் செய் திடலாம். இவை எல்லாம் முடித்துவிட்டால் அனுப்ப வாழ்த்து ரெடியாகிவிடும். இதனை உங்கள் நண்பர் அல்லது உற வினர் ஒருவருக்கு அனுப்பலாம். அல்லது மொத்தமாக 25 பேர் வரை அனுப்பலாம்.  பிறகென்ன வீடியோக்களை அனுப்பி உங்கள் நண்பர்களையும் உறவினர் களையும் வாழ்த்துங்களேன். அவர்கள் சந்தோஷப் படுவார்கள்.

கம்ப்யூட்டரை உங்கள் பிரண்டாக மாற்ற

கம்ப்யூட்டரை உங்கள் பிரண்டாக மாற்ற

கார் ஒன்று வாங்குகிறீர்கள். உடனே என்ன செய்கிறீர்கள்! அழகாக உங்கள் பெயரை அல்லது உங்கள் குழந்தை கள் பெயரை ஸ்டிக்கர் தயாரித்து ஒட்டுகிறீர்களா! ஏன் ஒரு டைப் ரைட் டர் வாங்கினால் கூட, குழந்தையை மகிழ்விக்க அதன் பெயரை டைப் செய்து ஒட்டு கிறீர்கள். கம்ப்யூட்டரை இதே போல் உங்களுடைய பிராண்ட் கம்ப்யூட்டராக்க என்ன செய்யலாம். இங்கே உங்களுக்காகத் தரப்போகும் டிப்ஸ் சற்று வேடிக்கையாக இருந் தாலும் கம்ப்யூட்டரை எப்படி எல்லாம் மாற்றி அமைக்கலாம் என்பதற்கு உங் களுக்கு வழி காட்டுவதாகவும் அமை யும். அனைத்து கம்ப்யூட்டர்களிலும் இதனை மேற்கொள்ளலாம் என் றாலும் விண்டோஸ் எக்ஸ்பிக்கான குறிப்புகள் கீழே தரப்படுகின்றன. மற்ற ஆப்பரேட்டிங் சிஸ்டங்களில் சில மாற்றங்களுடன் இதனைப் பயன் படுத்தலாம்.

பைல்களுக்கெல்லாம் ப்ராபர்ட்டீஸ் விண்டோ இருப்பதைப் போல அனைத்து கம்ப்யூட்டர் சிஸ்டங்களுக்கும் ஒரு ப்ராப்பர்ட்டி விண்டோ ஒன்று உண்டு. இந்த ப்ராபர்ட்டீஸ் என்பது ஒரு பைல் அல்லது கம்ப்யூட்டரின் அடிப்படைத் தகவல்களைக் காட்டும் ஒரு விண்டோ ஆகும். இங்கு கம்ப்யூட்டரின் ப்ராபர்ட்டீஸ் விண் டோவினைப் பெறும் வழியைப் பார்க்கலாம்.

1. முதலில் உங்கள் கம்ப்யூட்டரை உங்கள் பிராண்ட் கம்ப்யூட்டராக மாற்ற வேண்டும் என எண்ணுகிறீர்கள் இல்லையா! அதற்கேற்ற படம் ஒன்றைத் தயார் செய்து கொள்ளுங்கள். இது ஒரு லோகாவாக இருக்கலாம். அல்லது உங்கள் குழந்தை கம்ப்யூட்டரை இயக்குவது போன்ற போட்டாவாக இருக்கலாம்.

2. இதற்கு பெயிண்ட் புரோகிராமினைத் தேர்ந்தெடுக்கவும். இது ஆப்பரேட்டிங் சிஸ்டத் துடனே வருவதால் பிரச்சினை இல்லை. Start >> All Programs>> Accessories >> Paint எனச் செல்லவும்.

3. ப்ராபர்ட்டீஸ் கட்டத்தில் அமைக்கப்பட இருக் கும் படத்தின் பிக்ஸெல் அளவு 180 து 115 என்ற அளவிலேயே இருக்க வேண்டும். எனவே இந்த புரோகிராம் தரும் கேன்வாஸ் என்ற படத் தளத்தின் அளவை இந்த அளவிற்கு மாற்ற வேண்டும். இதற்கு மெனுவில் ஐட்ச்ஞ்ஞு என்ற பிரி வில் கிளிக் செய்திடவும். அதன் பின் Attributes என்பதைத் தேர்ந்தெடுத்தால் ஒரு கட்டம் கிடைக்கும். இதில் அளவெடுக்கும் அலகாக Pixels என்பதைத் தேர்ந்தெடுக்கவும். இதில் மேலே சொன்ன அளவினை என்டர் செய் திடவும். பின் ஓகே கிளிக் செய்திடவும். இனி லோகோவினை இதில் தயார் செய்திடலாம். பெயிண்ட் புரோகிராமில் இதற்கென அனைத்து டூல்ஸ்களும் இருப்ப தனைப் பார்த்திருப்பீர்கள். அல்லது கிளிப் ஆர்ட் சென்று அதில் உங்களுக்குப் பிடித்த படத்தினைத் தேர்ந்தெடுத்து இதில் அமைக்கவும். அல்லது உங்களுக்குப் பிடித்த போட்டோவினை எடுத்து இதில் அமைக்கவும்.

4. இனி இந்த படத்தை சேவ் செய்திட வேண்டும். File தேர்ந்தெடுத்து பின் Save As  தேர்ந்தெடுக்கவும். இந்த பைலுக்கு oemlogo.bmp  எனப் பெயர் கொடுத்து C:\Windows\System32 என்ற டைரக்டரியில் சேவ் செய்திடவும்.

அடுத்து கம்ப்யூட்டருக்கு இதுதான் லோகோ என்று செட் செய்திட சிறிய புரோகிராம் ஒன்றை எழுத வேண்டும். மிக எளிதான சில வரிகள்தான். இந்த வரிகளை எழுத Notepad  என்னும் புரோகிராமினைத் திறக்கவும். இந்த புரோகிராமினைப் பெற Start, All Programs, Accessories, Notepad எனச் செல்லவும். அடுத்து கீழே கொடுத்துள்ள வரிகளை அப்படியே டைப் செய்திடவும்.

[General]

Manufacturer=Neil’s PC

Model=Dell Inspiron 8100

[Support Information]

Line1=This PC was created

Line2=by< உங்கள் பெயர்>

Line3 =Enjoy using it!

Line4 =*************

இதில் உள்ள Line1,2,3,4 என்பதில் நீங்கள் விரும்பும் வரிகள டைப் செய்திடலாம். இன்னும் சில வரிகளை இணைக்க வேண்டும் என விரும்பினாலும் சேர்க்கலாம்.

இனி இந்த பைலை சேவ் செய்திட File  மற்றும் Save As தேர்ந்தெடுத்து சேவ் செய்திடவும். அதே C:\Windows\System32 டைரக்டரியில் சேவ் செய்திடலாம்; ஆனால் பைலின் பெயர் oeminfo.ini என இருக்க வேண்டும். இவ்வாறு செய்துவிட்டுப் பின் உங்கள் கம்ப்யூட்டரை ரீ ஸ்டார்ட் செய்து பின் கம்ப்யூட்டர் ப்ராபர்ட்டீஸ் பாருங்கள். நீங்கள் கொடுத்த லோகோ மற்றும் டெக்ஸ்ட் அங்கு கிடைக்கும்.

கணினி -சில ஆலோசனைகள்

பலமுறை நாம் கையாளும் இமெயில் அக்கவுண்ட்களில் நாமே செய்திடும் தவறுகள் குறித்து எழுதி வந்திருக்கிறோம். அவ்வப் போது ஒன்றிரண்டு தவறுகளைச் சுட்டிக் காட்டி அதனால் ஏற்படும் பாதகமான விளைவுகளையும் குறிப்பிட்டுள்ளோம். இவை அனைத்தையும் ஒரு சேரக் கொடுத்தால் என்ன என்ற எண்ணத்தில் இந்த கட்டுரை தரப்படுகிறது.

1. ஒரே இமெயில் அக்கவுண்ட்: நமக்கென்று ஒரே ஒரு இமெயில் அக்கவுண்ட் வைத்து அதனை மட்டும் பயன்படுத்தக் கூடாது. நம்முடைய மூதாதையர் வீட்டு முகவரியினை நிரந்தர முகவரியாகக் கொள்வது போல இமெயில் முகவரியினையும் எண்ணக் கூடாது. ஒன்றுக்கு மேற்பட்ட இமெயில் அக்கவுண்ட்களை நீங்கள் வைத்துக் கொள்ள வேண் டும். குறைந்த பட்சம் மூன்று இமெயில் அக்கவுண்ட்களையாவது ஒருவர் கொண் டிருக்க வேண்டும். இவற்றில் ஒன்றை வீட்டு பணிகளுக்கும் உறவினர்களுக் கும் வைத்துக் கொள்ளலாம். இன் னொன்றை உங்கள் அலுவலகப் பணிகளுக்கும் மற்றொன்றை உங்களின் இன்டர்நெட் சார்ந்த செயல்பாடுகளுக்குமாக வைத்துக் கொள்ளலாம். இமெயில் அக்கவுண்ட்கள் இலவசமாகக் கிடைத் தாலும் ஒரு இமெயில் அக்கவுண்ட்டை கட்டணம் செலுத்திப் பெறும் வகையில் வைத்துக் கொள்ளலாம்.

2. அக்கவுண்ட்டை மூடலாம்: ஏதேனும் ஒரு இமெயில் அக்கவுண்ட்டை வெகு நாட் களாக வைத்திருப்பீர்கள். அதன் மூலம் பல வழிகளில் தொடர்பினை ஏற்படுத் திக் கொண்டு இருந்தால் உங்களுடைய இமெயில் பல ஸ்பாம் மெயில் அனுப்புபவர்களிடம் சென்றிருக்கும். அதனால் தொடர்ந்து அந்த அக்கவுண்ட்டிற்கு மிக அதிகமான எண்ணிக்கையில் ஸ்பேம் மெயில்கள் என்னும் குப்பை மெயில்களும் உங்களை கண்ணி வைத்துப் பிடிக் கும் மெயில்களும் வந்து கொண்டிருக்கும். அப்படிப்பட்ட சூழ்நிலையில் அந்த அக்கவுண்ட்டையே மூடிவிட்டு வேறு பெயரில் புதிய அக்கவுண்ட்டை ஏற்படுத்துங்கள். உங்களிடம் உள்ள மற்ற இமெயில் அக்கவுண்ட் மூலம் உற்ற நண்பர்களுக்கும் உறவினர்களுக்கு மட் டும் இந்த மாற்றத்தை தெரிவியுங்கள்.

3. பிரவுசரை மூட மறப்பது: உங்களுடைய இமெயில் அக்கவுண்ட்டை எப்போதாவது மற்ற இடங்களில் பிற கம்ப்யூட்டர்களில் இருந்து செக் செய்தது உண்டா? நூலகங்கள், சைபர் கபே என் னும் இன்டர்நெட் மையங்கள் ஆகிய வற்றில் அவசரத்தில் இமெயில்களைப் படித்திருப்பீர்கள். அப்போது அந்த பிரவுசர் அல்லது இமெயில் அக்கவுண்ட்டை மூட மறக்க வேண்டாம். லாக் அவுட் செய்து பிரவுசரை மூடவில்லை என்றால் உங்களுடைய யூசர் நேம் மற்றும் அக்கவுண்ட்டைப் பிறர் பயன்படுத்த முயற்சிக்கலாம்.

4. கேஷ் மெமரி காலி செய்யுங்கள்: அடுத்தவரின் கம்ப்யூட்டரில் இமெயில் அக்கவுண்ட்டைப் பயன்படுத்தி முடித்தவுடன் அதில் உள்ள கேஷ் மெமரியைக் காலி செய்திடுங்கள். அப்போதுதான் இன்டர் நெட் ஹிஸ்டரி, யூசர்நேம் மற்றும் பாஸ் வேர்ட் ஆகியவை அடுத்தவரின் கம்ப்யூட்டரில் தங்காமல் இருக்கும். உங்களை அடுத்து அந்த கம்ப்யூட்டர் பயன்படுத்துபவரிடம் இவை போய்ச் சேராது. இன் டர்நெட் எக்ஸ்புளோரரில் Tools மற்றும் Internet Options செல்லவும். கிடைக்கும் விண்டோவில் “Clear History”, “Delete Cokkies” மற்றும் “Delete Files”  ஆகிய மூன்று பட்டன்களிலும் கிளிக் செய்திடவும். பயர்பாக்ஸ் பிரவுசர் என்றால் Ctrl + Shft+Del  பட்டன்களை அழுத்தினால் இவை அனைத்தும் காலியாகிவிடும்.

5. மகளிர் கவனம் : பெண்கள் தங்கள் பெயரில் யூசர் நேம் கொண்டு இமெயில் அக்கவுண்ட்டை உருவாக்குவதைத் தவிர்க்க வேண்டும். ஏனென்றால் அக்கவுண்ட்டைத் தெரிந்து கொண்ட வக்கிரபுத்தி கொண்ட பலர் வேண்டுமென்றே அநாமதேயப் பெயர்களில் உள்ள இமெயில் அக்கவுண்ட்டில் இருந்து மோசமான இமெயில் கடிதங்களை அனுப்புவார்கள். நான் அறிந்த வகையில் இது போன்ற ஒரு குடும்பப் பெண்ணிற்கு இமெயில் கடிதங்கள் வந்து அவருடைய கணவர் சந்தேகக் கண்ணோடு இதனை ஒரு பிரச்சினையாக எடுத்துக் கொண்டார். பின் மற்றவர்களின் துணையோடு பிரச்சினை தீர்த்து வைக்கப் பட்டது. எனவே பெண்கள் தங்கள் பெயர்களில் யூசர் நேம் கொண்டு இமெயில் அக்கவுண்ட்களைத் திறப்பதனைத் தவிர்க்கலாம்.

6. பாதுகாப்பற்ற முறையில் பயன்படுத்துதல்: பலர் தங்களின் பெர்சனல் இமெயில் அக் கவுண்ட்களை தாங்கள் பணி புரியும் அலுவலகப் பணிகளுக்காகப் பயன்படுத்துவார்கள். இதன் மூலம் அலுவலகக் கடிதங்கள் சில வேளைகளில் உங்கள் வீட்டில் உள்ள கம்ப்யூட்டரில் தங்கிவிடும். இதனால் அலுவலகத்தின் ரகசிய தகவல்களை அடுத்தவர்கள் பெறும் வாய்ப்பு அதிகமாகிவிடும். இதே போல உங்கள் பெர்சனல் கடிதங்களை அலுவலக நண்பர்கள் அறிந்து கொள்ளும் வேளைகளும் ஏற்படும்.

7. தொலைபேசி பயன்பாடு: மிக மிக முக்கியமான ரகசியத் தகவல்களை இமெயில் மூலம் அனுப்புவதைக் காட்டிலும் தொலை பேசி வழியாக தெரியப்படுத்துவதே நல்லது.

8. BCC (Blind Carbon Copy)  பயன்படுத்தவும்: பெரும்பாலானவர்கள் இமெயில் சாதனத்தில் உள்ள BCC  வசதியைப் பயன்படுத்துவதே இல்லை. பலருக்கு ஒரே இமெயிலை அனுப்புகையில் இதனை நாம் அவசியம் பயன்படுத்தலாம். யாருக்கெல்லாம் அனுப்புவது மற்றவர்களுக்குத் தெரியக் கூடாதோ அவர்களின் இமெயில் முகவரிகளை இந்த பகுதியில் அமைத்து அனுப்ப வேண்டும்.

9. ரிப்ளை ஆல்: இமெயில் கடிதம் ஒன்றுக்குப் பதில் அனுப்ப முயற்சிக்கையில் பலருக்கும் ரிப்ளை மட்டும் கிளிக் செய்திட வேண்டுமா அல்லது ரிப்ளை ஆல் (Reply or Reply All)  கிளிக் செய்திட வேண்டுமா என்பது தெரிவதில்லை. Reply All அழுத்தினால் நீங்கள் யாருக்கு பதில் அனுப்ப வேண்டுமோ அவர் உட்பட அக்கடிதம் சார்ந்த அனைவருக்கும் உங்கள் பதில் சென்றுவிடும். இதனால் நீங்கள் அடுத்தவர் அறியாமல் அனுப்ப எண்ணும் பதில் மற்றவரையும் சேர்ந்துவிடும். எனவே எப்போதும் Reply  மட்டும் அழுத்தி குறிப்பிட்டவரின் இமெயிலுக்கு மட்டும் அனுப்பவும். பின் மற்றவருக்கு அனுப்ப வேண்டும் என எண்ணினால் அதனையே தனித்தனியே அனுப்பிக் கொள்ளலாம். உங்கள் பதில் கடிதத்தில் மற்றவர்கள் அறிய வேண்டாத தகவல்களை அழித்து அனுப்பலாம்.

10. பார்வேர்டிங் இமெயில்: இமெயில் மெசேஜ் ஒன்று உங்களுக்கு பார்வேர்ட் செய்யப்பட்டுள்ளது. நீங்கள் உங்களுக்கு அதனை பார்வேர்ட் செய்தவருக்கு பதில் அனுப்ப எண்ணினால் அப்படியே பார்வேர்ட் செய்தால் அந்த மெயிலில் உள்ள அனைத்து முகவரிகளும் அவருக்கும் சென்றுவிடும். இதனால் இதற்கு முன் இந்த மெயிலைப் பெற்றவர்களின் முகவரிகள் தெரிந்துவிடும். மொத்தமாக ஸ்பேம் இமெயில் அனுப்புபவர்களுக்கு இது நல்ல வாய்ப் பாகப் போய்விடும். எனவே எந்த மெயிலை பார்வேர்ட் செய்வதாக இருந்தாலும் அதில் குறிப்பிட்டவரின் இமெயில் முகவரி மட்டும் டைப் செய்து அனுப்பவும்.

11.பேக் அப் மறப்பது: கம்ப்யூட்டர் பயன் படுத்துபவர்களில் 90% பேர் பேக் அப் எடுப்பதில்லை என்று ஓர் ஆய்வு தெரிவிக்கிறது. பலமுறை அறிவுறுத்தப்பட்டாலும் இந்த தவற்றைப் பலர் செய்து வருகின்றனர். பேக் அப் எடுத்தலில் இமெயில் தகவல்களும் மிக முக்கியம். கம்ப்யூட்டரிலேயே இருக்கட்டும் என சில முக்கியமான பொருள் குறித்த தகவல்கள் அடங் கிய இமெயில்களை வைத்திருப்போம். இவற்றையும் நாம் பேக் அப் எடுத்தாக வேண்டும். இந்த வகை இமெயில்களில் பல சட்ட ரீதியான ஒப்பந்தங்கள் இருக்கலாம். வர்த்தக ரீதியான நிதி சார்ந்த தகவல்கள் இருக்கலாம். பெர்சனல் தகவல்கள், புக் செய்த டிக்கட்களின் படிவங்கள் என எத்தனையோ முக்கிய ஆவணங்கள் இருக்கலாம். இவற்றை பேக் அப் எடுத்து வைத்தால் தான் நாம் அதன் இழப்பிலிருந்து தப்பிக்கலாம்.

12.மொபைல் வழி இமெயில்: நீங்கள் உங் கள் மொபைல் போன் வழியாக இமெயில் அக்கவுண்ட்டை இயக்குபவரா? பிளாக் பெரி போன்ற போன்களை இதற்குப் பயன் படுத்துபவரா? இமெயில் பார்க்க இது நல்லதா? பாதுகாப்பானதா? பாதுகாப் பானதுதான். ஆனால் ஓரிரு விஷயங்களை நினைவில் வைத்துக் கொள்வது நல் லது. உங்கள் மொபைல் போனில் இமெயில் களைக் கொண்டு வரும் சாப்ட்வேர் தொகுப்பின் தன்மையினையும் அது எப்படி செட் செய்யப்பட்டிருக்கிறது என்பதனையும் புரிந்து கொள்ளுங்கள். சில மொபைல் பிரவுசர்கள் வழியே இமெயில் பார்த்தவுடன் சர்வரில் இருந்து அந்த இமெயில்கள் நீக்கப்பட்டுவிடும். அவை உங்களுக்குப் பின் நாட்களில் கிடைக் காது. எனவே எப்படி உங்கள் மொபைல் சாப்ட்வேர் அமைக்கப்பட்டுள்ளது என்று முதலில் செக் செய்து கொள்ளுங்கள்.

13. நல்லவேளை அழிச்சுட்டேன்!: சில வேளைகளில் நண்பர்களுக்கு அவர்கள் மனம் புண்படும் வகையில் மெயில்களை எழுதி அனுப்பி விடுவோம். அல்லது நம் நண் பர்களிடமிருந்து அத்தகைய மெயில்கள் வரலாம். இவற்றை அழித்துவிடுவோம். ஒருவழியா அழிச்சுட்டேன் என நீங்கள் நினைக்கலாம். அவை உங்கள் கம்ப் யூட்டரிலிருந்து அழிக்கப்பட்டிருக்கலாம். ஆனால் அழிக்கப்பட்டுவிட்டது என்ற செய்தி வந்தபின்னும் உங்கள் சர்வரில் அவை எங்காவது இருக்கலாம். இத்தகைய மெயில்கள் ஸ்பாம் அனுப்புபவர் கள் கைகளில் சிக்கினால் என்னவாகும் என்று எண்ணிப் பாருங்கள். எனவே ஒருவருக்கு இமெயிலில் கடிதங்கள் அனுப் பும் முன், குறிப்பாக கோபத்தில் எழுதி அனுப்புமுன், ஒருமுறைக்கு பல முறை யோசித்து நிதானமாக சில மணி நேரங்கள் அல்லது சில நாட்கள் கழித்தே அனுப்பவும்.

14.ஸ்பாம் மெயிலை நம்புவது: அதிகப் பணத் திற்கு ஆசைப்படாத மனிதன் இல்லை. ஆனால் அந்தப் பணம் நம் உழைப்பிற்கு பரிசாக வர வேண்டும். பல ஸ்பேம் மெயில்கள் நமக்கு லாட்டரி பரிசு விழுந்திருக்கிறது என்றும், லேப்டாப் கம்ப்யூட்டர் ஒன்று பரிசாகத் தரப்படும் என் றும் அனுப்பப்படும். பின் பொருளை அனுப்பும் செலவிற்காகப் பணம் அனுப் பச் சொல்வார்கள். அல்லது பரிசு விழுந்த கோடிக்கணக்கான ரூபாயைக் கேட்டுப் பெற வங்கிச் செலவாக சில லட்சம் கேட்பார்கள். அல்லது வங்கியில் பணம் செலுத்த உங்கள் வங்கிக் கணக்கு, இன்டர் நெட் கணக்கின் யூசர்நேம் பாஸ்வேர்ட் கேட்பார்கள். தந்துவிட்டால் அவ்வளவுதான். நாம் உழைத்து சேர்த்த பணம் எல்லாம் நம்மை ஏமாற்றுபவன் கைகளுக்குச் சென்றுவிடும். எனவே இந்த மெயில்களைப் படிக்காமலேயே அழித்துவிட்டு ட்ரேஷ் பெட்டியிலிருந்தும் நீக்கிவிடுங்கள்.

15.பிஷ்ஷிங் மெயில்கள்: நம்மை சிக்க வைக்கும் மெயில்களே பிஷ்ஷிங் மெயில்கள். ஏதேனும் பிரபலமான பேங்க், இன்டர்நெட் வழி பேங்க் பே பால், மைக்ரோசாப்ட் போன்ற பிரபலமான நிறுவனப் பெயர்களில் இமெயில்கள் வரும். அதில் உள்ள லிங்க் கிளிக் செய்து தொடர்ந்தால் நம் கம்ப்யூட்டரில் அவர்களின் புரோகிராம்கள் அமர்ந்து கொண்டு நம் பெர்சனல் தகவல்களைத் திருடி அனுப்பும். எனவே இது போன்ற மெயில் கள் வந்தால் திறக்கவே கூடாது.

16.பெர்சனல் தகவல்கள்: இமெயில் மூலம் பெர்சனல் தகவல்களை அனுப்புவது எப்போதும் ஆபத்தான விஷயம். முகவரிகள், தொலைபேசி எண்கள், பேங்க் அக்கவுண்ட் எண்கள், யூசர் நேம் மற்றும் பாஸ்வேர்ட் போன்றவற்றை இமெயில் மூலம் அனுப்பவே கூடாது. இவற்றை போன் மூலம் தெரிவிக்கலாமே. ஏனென்றால் நீங்கள் அனுப்பும் இமெயில் இடையே மற்றொருவரால் குறுக்கிட்டுப் பெறக் கூடிய வாய்ப்புகள் அதிகம் என்பதால் இமெயில்கள் மூலம் இந்த வகை தகவல்கள் செல்லவே கூடாது.

17. சப்ஸ்கிரைப் செய்யாத நியூஸ் லெட்டர்: நீங்கள் எந்த தளத்திலும் சென்று பதியாமல் ஒரு நியூஸ் லெட்டர் ஒன்று சரியான கால இடைவெளியில் வருகிறதா? அப்படியானல் நிச்சயம் அது ஸ்பேம் மெயில்தான். அதிலேயே உங்களுக்கு இந்த நியூஸ் லெட்டர் வேண்டாம் என்றால் இந்த லிங்க்கில் கிளிக் செய்து அன்சப்ஸ்கிரைப் செய்துவிடுங் கள் என்ற செய்தியும் ஒரு லிங்க்கும் தரப்பட்டிருக்கும். இதில் கிளிக் செய்தால் உங்கள் கம்ப்யூட்டரில் தகவல்களைத் திருடி அனுப்பும் புரோகிராம் வந்து அமர்ந்து கொள்ளும். எனவே அவற்றை அப்படியே அழித்துவிடுங்கள்.

18. நண்பர்களை மட்டும் நம்புங்கள்: சில வேளைகளில் நம் இனிய நண்பர்களிடமிருந்து மெயில்கள் வந்தவுடன் அதைத் திறந்து பார்த்து பின் பதில் மெயில் அனுப்புவோம். உங்கள் நண்பர்கள் நல்லவர்கள் தான், நம்பிக்கைக்குரியவர்கள்தான். ஆனால் அவர்களின் பெயரில் வந்த மெயில்கள் அவர்களிடமிருந்து வந்தவையாக இருக்காது. உங்கள் நண்பர் கம்ப் யூட்டரில் வந்தமர்ந்த ஸ்பேம் மெயில் அட்ரஸ் புக்கை திருடி அதில் இருந்த உங்கள் இமெயில் முகவரிக்கு அவர் பெயரில் மெயில்களை அனுப்பி இருக்கும். இந்த மாதிரி மெயில்களுக்கு அவசரத்தில் பதில் அனுப்புவதைத் தவிர்க்கவும்.

19. ஸ்பாம் மெயில் பிளாக்கிங்: உங்களுக்கு வந்த மெயில் ஸ்பாம் மெயில் தான் என்று தெரிந்தால் அந்த முகவரியினைத் தடுக்கப் பட வேண்டிய இமெயில் முகவரி லிஸ்ட் டில் சேர்த்து பிளாக் லிஸ்ட் செய்திட வேண்டும். அந்த முகவரியிலிருந்து மெயில் வந்தால் திருப்பி அனுப்பிவிடு என்று உங்கள் இமெயில் கிளையண்ட் புரோகிராமில் செட் செய்திடுங்கள்.

20. அட்டாச்மெண்ட் ஸ்கேன்: உங்களுக்கு வரும் இமெயில்களுடன் அட்டாச் செய் யப்பட்டு பைல்கள் வருகின்றனவா? அப் படியானால் உங்கள் இமெயில் கிளையண்ட் அவற்றை ஸ்கேன் செய்த பிறகு டவுண்லோட் செய்திடும் வகையில் அதனை செட் செய்திட வேண்டும். அப்போதுதான் அட்டாச்டு பைல்கள் பாதுகாப்பானவையா என்று உறுதிப்படுத்திக் கொள்ளலாம்.

21. அடுத்தவர் மூலம் செக்கிங்: உங்களால் இமெயில் அக்கவுண்ட் பார்க்க முடியாத நிலையில் என்ன செய்கிறீர்கள். உங்கள் நண்பரை அழைத்து அவரிடம் உங்கள் யூசர் நேம் மற்றும் பாஸ்வேர்ட் கொடுத்து இமெயில் செக் செய்யச் சொல்கிறீர்களா? அதைப் போன்ற தவறான செயல் எதுவுமில்லை. எந்த சூழ்நிலையிலும் அடுத்தவரிடம் உங்கள் பெர்சனல் தகவல்களைக் கொடுத்து இமெயில்களைச் செக் செய்திடச் சொல்ல வேண்டாம். கூடுமானவரை நீங்கள் மட்டுமே உங்கள் இமெயில் அக்கவுண்ட்டை செக் செய்திட வேண்டும்.

22.பாஸ்வேர்ட் அமைப்பு: உங்கள் பாஸ் வேர்ட் என்ன? ஒரு சிலர் தங்கள் பெயரையே வைத்துக் கொள்வார்கள். சிலரோ யூசர் நேம் எதுவோ அதனையே பாஸ் வேர்டாகவும் வைத்துக் கொள்வார்கள். ஒரு சிலர் தங்கள் குழந்தை, மனைவி பெயரை வைத்திருப்பார்கள். இவை எல்லாம் எளிதாகக் கண்டறியக் கூடிய பாஸ்வேர்டுகள். எனவே இது போல வைத்திருந்தால் உடனே மாற்றிவிடுங்கள். மாற்றுவதாக இருந்தால்(1) பாஸ்வேர்ட் குறைந்தது 8 கேரக்டருடன் இருக்க வேண்டும் (2) சிறிய பெரிய எழுத்துக்கள் அமைந்ததாக இருக்க வேண்டும். (3) ஸ்பெஷல் குறியீடுகளுடன் அமையப் பெற்றிருக்க வேண்டும். (4) இலக்கங்களையும் இணைத்து அமைக்க வேண்டும்.

23.என்கிரிப்ஷன்: உங்கள் இமெயில்களை என்கிரிப்ட் செய்வதில்லையா? அப்படியானல் செய்திடத் தொடங்குங்கள். என் கிரிப்ட் என்பது மெயிலை அடுத்தவர் யாரும் படித்திட முடியாதபடி சுருக்கி மாற்றி அமைப்பது. அதற்கான கீயைப் பெறுபவர் மட்டுமே அதனைப் படிக்க முடியும். இலவச என்கிரிப்ஷன் ப்ரோகிராம்கள் நிறைய கிடைக்கின்றன. PGP  என்ற ஒரு புரோகிராம் நன்றாகச் செயல்படுகிறது. அதனைப் பயன்படுத்திப் பார்க்கவும்.

மேலே சொல்லப்பட்டவை எல்லாம் இமெயில் பாதுகாப்பிற்கான சில முக்கிய வழிகள். இவற்றை அவசியம் கடைப்பிடித்து வருவது உங்களுக்கும் உங்கள் இமெயில்களுக்கும் பலமான பாதுகாப்பினைத் தரும்.

டவுண்லோட் ஏன் நடுவில் முறிகிறது?

டவுண்லோட் ஏன் நடுவில் முறிகிறது?

சில கேம்ஸ் மற்றும் டிவிடி கிளிப்களை டவுண்லோட் செய்கையில் இடைப்பட்ட நேரத் திலேயே அவை தொடர்பு விட்டுப் போகின்றன  இடையே டவுண்லோட் முறி வதற்கான காரணங்களை இங்கு காண்போம்.

1. இன்டர்நெட் இணைப்பு: டவுண்லோட் செய் வது இடையே அறுந்து போவதற்கான பொதுவான ஒரு காரணம் இன்டர்நெட் இணைப்பு துண்டிக்கப்படுவதுதான். டவுண் லோட் ஆகிக் கொண்டிருக்கையில் இன்டர் நெட் இணைப்பு துண்டிக்கப்பட்டால் டவுண்லோட் முழுமையாக தோல் வியடையும். ஏன் இப்படி ஆனால் என்ன என்றெல்லாம் மாற்று வழி எல்லாம் இதற்குக் கிடையாது. டவுண்லோடிங் செயல் பாட்டிற்கு அத்தியாவசிய அடிப்படைத் தேவை இன்டர்நெட் கனெக்ஷன் தான். அது இல்லாத பட்சத்தில் நிச்சயம் டவுண் லோட் செயல்பாடு நின்றுதான் போகும். எனவே டவுண்லோட் அறுந்து போகும் நிகழ்வில் முதலில் நீங்கள் சோதனை செய்ய வேண்டியது இன்டர்நெட் தொடர்பு உள்ளதா என்பதுதான். அது இல்லை என்றால் மீண்டும் இணைப்பை ஏற்படுத்தி டவுண்லோட் செய்திடலாம்.

2. சர்வர் இணைப்பு: இரண்டாவது முக்கிய காரணம் டவுண்லோட் செய்திடும் கம்ப்யூட்டருக்கும் பைலைக் கொண்டிருக்கும் சர்வருக்கும் இணைப்பு துண்டிக் கப்படுவதுதான். இந்த இணைப்பு துண்டிக்கப்பட்டாலும் டவுண்லோட் செய்வது நின்று போகும். இதற்குக் காரணம் உங்கள் கம்ப்யூட்டரோ அல்லது இன்டர்நெட் இணைப்போ அல்ல. இந்த நிகழ்வுக்குக் காரணம் சர்வர் கம்ப்யூட்டரில் உள்ள பிரச்சினைதான். அல்லது இடையே உள்ள இணைப்பில் உள்ள பிரச்சினை. இதனை நம் பக்கத்தில் எதுவும் செய்ய முடியாது. மீண்டும் அந்த சர்வர் அல்லது இணைப்பு சரியாகும் போது மட்டுமே டவுண்லோட் செயலைத் தொடங்க முடியும்.

3. டைம் அவுட் கனெக்ஷன் (Timed out conection) நீங்கள் டவுண்லோட் செய் திடும் பைல் இறங்க அதிக நேரம் எடுத்துக் கொண்டால் பைலை வழங்கும் சர்வர் நேரம் ஆகிவிட்டது என்று இணைப்பைத் துண்டித்துக் கொள்ளும். அதாவது டவுண்லோட் பாதியில் நின்று விடும். இது சர்வருக்கு ஏற்படும் ஓவர்லோடினால் கூட இருக்கலாம்; அல்லது இன்டர்நெட் இணைப்பின் வேகம் மிகவும் மெதுவாக இருக்கலாம். இதற்கும் கவலைப்பட வேண்டியது இல்லை. இது தானாகச் சரி செய்யப்படும்போது மீண்டும் இணைப்பை ஏற்படுத்தி டவுண்லோட் செய்திடலாம். மேலே சொன்ன நிகழ்வுகளுக்கான தீர்வு கள் என்ன? அதிலேயே குறிப்பிட்டுள்ளபடி மீண்டும் இணைப்பு ஏற்படுத்தி டவுண்லோட் செய்திடும் பணியை மேற்கொள்ள வேண்டிய து தான். பெரும்பாலான நிகழ்வுகளில் அந்த நேரம் பெரிய அளவிலான பைல்கள் டவுண்லோட் செய்திட உகந்ததாக இருக்காது. இன்டர்நெட் டிராபிக் பெரும் அளவில் இருக்கும்போது டவுண்லோட் சுமுகமாக இருக்காது. எனவே இன்டர்நெட் டிராபிக் குறைவாக இருக்கையில் டவுண்லோட் செய்திட முயற்சிக்கலாம். மேலும் பிரபலாமான பைல்களையும் அப் போதுதான் வெளியான முக்கிய பைலையும் பலர் ஒரே நேரத்தில் டவுண்லோட் செய்திட முயற்சி செய்வார்கள். அப்படிப்பட்ட பைலை நீங்கள் டவுண்லோட் செய்திட விரும்பினால் அதிகம் டவுண்லோட் முயற்சிகள் மேற் கொள்ளப் படாத நேரத்தில் டவுண்லோட் செய்திடலாம். இன்னொரு தீர்வு டவுண்லோட் செய்திட வேறு ஒரு சர்வரை நாடுவதுதான். சில முக்கிய பைல்களை உலகின் பல இடங்களில் உள்ள சர்வர்களில் வைத்திருப்பார்கள். அந்த பைல்களை டவுண்லோட் செய்திட அந்த தளங் களுக்குச் செல்கையில் வெவ்வேறான சர்வர் களுக்கு லிங்க் கொடுத்திருப்பார்கள். அல்லது உங் கள் பிரியமான சர்ச் இஞ்சின் மூலம் இந்த சர் வர்களின் முகவரிகளைப் பெற்று இயங்கலாம். அடுத்த தீர்வு டவுண்லோட் மேனே ஜர்களைப் பயன்படுத்துவதுதான். இப்போது இணையத்தில் இத்தகைய டவுண்லோட் மேனேஜர்கள் நிறைய இலவசமாகக் கிடைக் கின்றன. இவற்றைப் பயன்படுத்தி டவுண் லோட் செய்தால், டவுண்லோட் செய்கையில் இணைப்பு நின்று போனால் மீண்டும் இணைப்பு கிடைக் கையில் அந்த பைல் எது வரை டவுண்லோட் செய்யப்பட்டுள்ளது என்று பார்த்து மீண்டும் விட்ட இடத்தில் தொடங் கலாம். நம்மிடமே சில நேரங்களில் குறை இருக் கலாம். நீங்கள் இன்டர்நெட் இணைப்பிற்குப் பயன்படுத்துவது டயல் அப் தொடர்பாக இருந்து இந்த டவுண்லோட் அறுந்து போகும் பிரச்சினை அடிக்கடி ஏற்பட்டால் உடனே பிராட்பேண்ட் தொடர்பினைப் பெறவும். மெதுவாக இயங்கும் டயல்அப் இன்டர்நெட் எப்போதும் டவுண்லோட் விஷயத்தில் பிரச்சினையைக் கொடுக்கும். மேலே குறிப்பிட்டவை எல்லாம் சில பரிந்துரைகள் தான். நீங்கள் தான் உங்களுடைய இன்டர்நெட் அனுபவத்தின் அடிப்படையில், உங்கள் ஊரில், உங்கள் இல்லத்தில் உள்ள இணைப்பு எப்படி என்ன வேகத்தில் இருக்கிறது என்று பார்த்து அதற்கேற்ற வகையில் முடிவெடுக்கலாம். வாரத்திற்கு ஓரிரு முறை பெரிய அளவில் டவுண்லோட் செய்பவராக இருந்து, அடிக்கடி பாதிப்பு ஏற்பட்டால் நிச்சயம் தீர்வு ஒன்றுக்கு நீங்கள் முயல வேண்டும்.