கிளவுட் கம்ப்யூட்டிங் பிரிவில் ஐ-குறள்--பேஜ் செட் ஆப் எக்ஸ்பிரஸ்--இணையத்தில் உதவிடும் புக்மார்க்லெட்ஸ்--டிபிராக்செய்திடும் Drfraggler இலவச புரோகிராம்கள்--பதற்றத்தில் பைல்களை அழித்தால்….--அனைத்து புரோகிராம்களையும் முடிவிற்குக் கொண்டுவர

கிளவுட் கம்ப்யூட்டிங் பிரிவில் ஐ-குறள்

கிளவுட் கம்ப்யூட்டிங் பிரிவில் ஐ-குறள்

இன்டர்நெட்டில் பிரவுஸ் செய்து கொண்டிருக்கிறீர்கள். இன்டர்நெட்டில் இருந்தவாறே ஒரு வேர்ட் ப்ராசசர் வேண்டும். அல்லது ஒரு கிராபிக்ஸ் எடிட்டர் வேண்டும் என்றால் அப்போது ஒரு அப்ளிகேஷன் சாப்ட்வேர் தொகுப்பை பதிந்து கொண்டு பயன்படுத்த முடியாது. இந்த சிரமத்திலிருந்து பயனாளர்களை விடுவிக்க இந்த வசதியை நேரடியாக நெட்டிலேயே தருவதுதான் கிளவுட் கம்ப்யூட்டிங் (Cloud computing).அவ்வகையில் தமிழில் டெக்ஸ்ட் டைப் செய்திட ஒரு டெக்ஸ்ட் ப்ராசசரை குறள் சாப்ட் (Kural Soft KSoft) நிறுவனம் தந்துள்ளது. கம்ப்யூட்டர், இன்ஸ்டண்ட் மெசஞ்சர் மற்றும் இமெயில் புரோகிராம்களில் தமிழில் உள்ளீடு செய்திட பல ஆண்டுகளாக உலகளாவிய அளவில் பிரபலமானது குறள் தமிழ்ச் செயலி. இதனை வடிவமைத்து வழங்கிய குறள் சாப்ட் நிறுவனம், தற்போது ஐ–குறள் சாதனத்தை இலவசமாக வழங்கியுள்ளது.

இது இணையத்தில் இயங்கும் வேர்ட் ப்ராசசர். தற்போதைக்கு ஆங்கிலம் மற்றும் தமிழில் இதன் மூலம் இணையத்திலேயே டைப் செய்திட முடியும். ஆங்கில ஒலி வழி (Phonetic)தமிழ் நெட் 99 மற்றும் தமிழ் டைப்ரைட்டர் கீ போர்டுகளை அவரவர் வசதிக்கென பயன்படுத்தலாம். இன்டர்நெட் எக்ஸ்புளோரர், பயர்பாக்ஸ், சபாரி அல்லது கூகுள் குரோம் என எந்த பிரவுசரிலும் இது சிறப்பாக இயங்குகிறது.

இணையத்தில் கொடுக்கப்படும் இந்த டெக்ஸ்ட் ப்ராசசர் ஒரு ஏ4 அளவிலான தாள் அளவிற்கு டெக்ஸ்ட் பக்கத்தினை அமைத்துத் தருகிறது. மிக எளிதாக ஆங்கிலம் மற்றும் தமிழ் இடையே மாறிக் கொள்ளலாம். அதே போல கீ போர்டு லே அவுட்களையும் மாற்றிக் கொள்ளலாம். ட்ராப்ட் மோடில் (Draft Mode) சென்றால் வேகமாக டைப் செய்திட முடியும். மவுஸால் கிளிக் செய்து டைப் செய்திட விரும்புவோருக்கு ஆன் ஸ்கிரீன் கீ போர்டு வசதி தரப்பட்டுள்ளது. இந்த ப்ராசசர் முற்றிலும் இலவசமாக வழங்கப்படுகிறது. இதனை இயக்கhttp://www.kuralsoft.com/ikural.htm என்ற தளத்திற்குச் செல்லவும்.

அங்கு ஒரு வேர்ட் ப்ராசசரில் உள்ள அனைத்து வசதிகளுடன் பாக்ஸ் கிடைக்கும். இதில் மவுஸ் கர்சரை டெக்ஸ்ட் டைப் அடிக்கும் இடத்தில் வைத்து நேரடியாக இயக்கலாம். ஆங்கிலம் அல்லது தமிழில் டைப் செய்திடலாம். இது சோதனை முயற்சி என்பதால் யூனிகோட் தமிழ் எழுத்துரு பயன்படுத்தும் வகையில் அமைக்கப்பட்டுள்ளது. இதில் டைப் செய்து எடிட் செய்து பின் அதனை கட் அண்ட் பேஸ்ட் மூலம் இமெயில் புரோகிராம்களில் பயன்படுத்தலாம்.

கிளவுட் கம்ப்யூட்டிங் (Cloud computing)

இதில் கிளவுட் – மேகம் – என்பது இன்டர்நெட்டிற்கு மறுபெயராகப் பயன்படுத்தப்படுகிறது. இன்டர்நெட்டில் இருந்தவாறே கம்ப்யூட்டர் பயன்பாட்டை மேற்கொள்வதற்கு இந்த பெயர் வழங்கப்படுகிறது. பல நிறுவனங்கள் வெவ்வேறு வசதிகளை இந்த அடிப்படையில் தந்து வருகின்றன. பெரும்பாலும் இந்த சேவைகள் இலவசமாக இருந்தாலும் ஒரு சில நிறுவனங்கள் கட்டணம் வாங்கிக் கொண்டு இதனைத் தருகின்றன. ஒரு கம்ப்யூட்டர் கட்டமைப்பினையும் சார்ந்த சேவையையும் இந்த வகையில் நாம் பெறலாம். ஒரு மேகம் பலவற்றை மறைக்கிறது. அதே போல கம்ப்யூட்டர் கட்டமைப்பை எல்லாம் மறைத்து அப்ளிகேஷன் சாப்ட்வேர் வசதி மட்டும் தருவதற்கு இந்த பெயர் தொடர்ந்து பயன்படுகிறது.

பேஜ் செட் ஆப் எக்ஸ்பிரஸ்

பேஜ் செட் ஆப் எக்ஸ்பிரஸ்

வேர்ட் தொகுப்பில் பல ஆண்டுகள் பழகியவர்களுக்கு ஒரு ஆச்சரியமான தகவலை இங்கு தரப்போகிறேன். நீங்கள் உங்கள் டாகுமெண்ட்டிற்கென மார்ஜின், பேப்பர் அளவு மற்றும் பக்க லே அவுட் செட் செய்திட பேஜ் செட் அப் விண்டோவிற்கு வழக்கமாகச் செல்வீர்கள். இந்த பேஜ் செட் அப் விண்டோவினை எப்படி பெறுகிறீர்கள். பைல் மெனு சென்று கிளிக் செய்து கீழாக விரியும் மெனுவில் பேஜ் செட் அப் தேர்ந்தெடுத்து திறக்கிறீர்கள். உங்கள் டாகுமெண்ட் திறந்திருக்கையில் இதெல்லாம் தேவையே இல்லை.

டாகுமெண்ட்டில் பல வேலைகளுக்காக ரூலரை மேலாகவும் இடது பக்கத்திலேயும் வைத்திருக்கிறீர்கள். இதில் டேப் ஸ்டாப்களை அமைத்து இயங்குவதனால் வேர்ட் டாகுமெண்ட் மிக அழகாக அமைய வழி வகுக்கிறது. இதே ரூலர் லைனில் இருமுறை கிளிக் செய்திடுங்கள். உங்களுக்கு உடனே பேஜ் செட் அப் விண்டோ கிடைக்கும். ரூலர் பார் பேஜ் செட் அப்பிற்கு உடனடி டிக்கட் தரும் இடமாகவும் அமைந்துள்ளது. வேர்ட் 2003 மட்டுமின்றி ஆபீஸ் 2007லும் இந்த வசதி தரப்பட்டுள்ளது.

இதில் ஒன்றை நினைவில் கொள்ள வேண்டும். மேலாக படுக்கை வசத்தில் உள்ள ரூலரில் ஒரு முறை கிளிக் செய்தால் அங்கு ஒரு டேப் ஸ்டாப் அமையும். எனவே மவுஸை இருமுறை வேகமாக கிளிக் செய்தால் தான் இங்கு பேஜ் செட் அப் கிடைக்கும். அப்படி முடியாதவர்கள் ரூலர் முடிந்து ரூலராகப் பயன்படுத்த முடியாத இடம் வலது கோடியில் இருக்கும் அல்லவா? அந்த இடத்தில் கிளிக் செய்திடலாம். இடது புறம் உள்ள ரூலரில் இந்த பிரச்னை இல்லை. அங்கு கிளிக் செய்தால் உடனே எக்ஸ்பிரஸ் வேகத்தில் பேஜ் செட் அப் கிடைக்கிறது. இதனால்தான் ரூலரை என் நண்பர்கள் பேஜ் செட் அப் எக்ஸ்பிரஸ் என அழைக்கின்றனர்.

பக்கமனைத்திலும் செல்களுக்கு மேலாக லேபிள்

பெரிய ஒர்க் ஷீட்களைத் தங்கள் நிறுவனங்களுக்காகத் தயாரிப்பவர்களுக்கு இந்த பிரச்சினை ஏற்பட்டிருக்கும். எடுத்துக் காட்டாக 10 காலம் 1000 படுக்கை வரிசை கொண்ட ஒர்க்ஷீட் ஒன்றைத் தயாரித்துள்ளீர்கள். இதனை அச்சிடுகையில் படுக்கை வரிசைகளுக்கான லேபிள் தலைப்பு முதல் பக்கத்தில் மட்டுமே தென்படும். மற்ற பக்கங்களை அச்செடுத்த பின் பார்க்கையில் ஒரு காலம் எதனைக் குறிக்கிறது என்று தெரியாது. ஒவ்வொரு முறையும் முதல் பக்கம் சென்று பார்க்க வேண்டும். இதற்குப் பதிலாக ஒவ்வொரு பக்கத்திலும் இந்த லேபிள்கள் அச்சாகும் படி செய்திடலாம்.

1. ஒர்க் ஷீட்டில் எங்கேனும் கிளிக் செய்திடவும். பின் File | Page Setupஎனத் தேர்ந்தெடுக்கவும்.

2.பின் அதில் உள்ள டேப்களில் Sheet என்பதனைத் தேர்ந்தெடுக்கவும்.

3. பின் Print Titlesஎன்ற விண்டோவில் Rows To Repeat At Top text box என்று இருப்பதில் இறுதியாகக் காணப்படும் பாக்ஸினைக் கிளிக் செய்திடவும்.

4. உடன் சிறிய நீளமான செவ்வக வடிவ பாக்ஸ் கிடைக்கும். இதில் எந்த வரிசையில் உள்ளதை டைட்டில் ஆக அனைத்து பக்கங்களிலும் பயன்படுத்த வேண்டும் என்று சுட்டிக் காட்ட வேண்டும். பின் பிரிண்ட் கொடுத்தால் நீங்கள் தேர்ந்தெடுத்த வரிசையில் உள்ள லேபிள் பெயர்கள் அனைத்து பக்கங்களிலும் அச்சாகும்.

உங்கள் விருப்பம் இடது பக்கம் உள்ள நெட்டு வரிசைகளிலும் லேபிள் வேண்டும் என்றால் மேலே தந்துள்ள செயல்பாட்டில் 3 ஆவது செயல்பாட்டில் வேறு பாக்ஸைத் தேர்ந்தெடுத்து வரிசையை அமைக்க வேண்டும்.

இணையத்தில் உதவிடும் புக்மார்க்லெட்ஸ்

இணையத்தில் உதவிடும் புக்மார்க்லெட்ஸ்

வெப் பிரவுசரில் நமக்கு எளிமையான சில வசதிகளை ஏற்படுத்த புக்மார்க்லெட்ஸ் (Bookmarklets) என்னும் பட்டன்கள் உதவுகின்றன. புக்மார்க்லெட் என்பது ஒரு சிறிய ஆப்லெட் (Applet) என்னும் கம்ப்யூட்டர் அப்ளிகேஷன் புரோகிராம். இவை பிரவுசருக்கென உருவாக்கப்படும் சிறிய ஆட் ஆன் வசதிகளாகும். பொதுவாக இது ஒரு ஜாவா ஸ்கிரிப்ட் புரோகிராம் ஆகும்.

அடிப்படையில் இவை ஜாவா ஸ்கிரிப்ட் பயன்படுத்தி பல பயனுள்ள செயல்பாடுகளை மேற்கொள்ள உதவி செய்திடும் பட்டன்களாகும். இந்த ஆட் ஆன் பட்டன்களைப் பதிந்து கொண்டால் நம் பிரவுசரிலிருந்தே நேரடியாக இந்த செயல்பாடுகளை மேற்கொள்ளலாம். இந்த புரோகிராம் வெப் பிரவுசரில் ஒரு புக்மார்க்காகப் பதியப்படும். அல்லது சிறிய ஹைப்பர் லிங்க்காக வைக்கப்படும். எப்படிப் பதிந்தாலும் பதிந்த இடத்தில் கிளிக் செய்தால் (ஒரு கிளிக் போதும்) அதன் இயக்கம் தொடங்கும். இந்த பெயர் bookmark மற்றும் applet என்ற இரு சொற்களின் சிதைந்த கூட்டாகும். எப்படி இந்த புக்மார்க்லெட்களைக் கண்டறிவது, எவ்வாறு இவற்றை இன்ஸ்டால் செய்வது என்று பார்க்கலாம்.

முதலில் உங்கள் பிரவுசரில் லிங்க்ஸ் (links)டூல் பார் இருக்க வேண்டும். அது இருக்கிறதா என்பதனை முதலில் உறுதி செய்து கொள்ளுங்கள். இங்கிருந்து தான் நாம் புக்மார்க்லெட் பட்டன்களை இயக்க முடியும். புக்மார்க்லெட்கள் பயர்பாக்ஸ் மற்றும் இன்டர்நெட் எக்ஸ்புளோரர் பிரவுசர்களுடன் செயல்படக் கூடியவை ஆகும்.

இன்டர்நெட் எக்ஸ்புளோரரில் வியூ (View) மெனு கிளிக் செய்து பின் Links என்பதைத் தேர்ந்தெடுக்கவும். பின் Toolbar என்பது செக் செய்யப்பட்டிருக்கிறதா என்று பார்க்கவும். இல்லை என்றால் செக் செய்திடவும். இப்போது ஒரு டூல்பார் கிடைக்கும். இதில் டூல் பார் மட்டுமே இருக்கட்டும். எனவே ஏதேனும் பிற பட்டன்கள் இருந்தால் அவற்றின் மீது ரைட் கிளிக் செய்து டெலீட் அழுத்தி கிளிக் செய்திடவும்.

பயர்பாக்ஸ் பிரவுசரிலும் இதே வேலையைச் செய்திட வேண்டும். ஆனால் அங்கு புக்மார்க்ஸ் டூல்பாரில் கிளிக் செய்து இதனை மேற்கொள்ளவும். இப்போது புக்மார்க்லெட் பயன்படுத்த தயாராகிவிட்டீர்கள். இன்டர்நெட் எக்ஸ்புளோரரில் புக்மார்க்லெட் ஒன்றை இணைக்க லிங்க் மீது ரைட் கிளிக் செய்து அதில் Add to Favorites என்பதில் கிளிக் செய்திடவும். போல்டர்களின் பட்டியலுடன் கீழாக ஒரு பாக்ஸ் கிடைக்கும். இந்த பாக்ஸ் கிடைக்கவில்லை என்றால் Create in என்பதில் கிளிக் செய்திடவும். இதன் பின் Links போல்டரில் கிளிக் செய்து பின் ஓகே கிளிக் செய்திடவும். புக்மார்க் பட்டியலில் புக்மார்க்லெட் வித்தியாசமாக காணப்படும். ஏனென்றால் மற்ற புக்மார்க்குகள் உங்களை ஓர் இணைய தளத்திற்கு இழுத்துச் செல்லும். இந்த புக்மார்க்லெட் ஒரு சிறிய செயல்பாட்டை மேற்கொள்ளும். பயர்பாக்ஸ் தொகுப்பில் லிங்க்கை அப்படியே Links bar வரை இழுக்கவும். இழுத்திவிட்டுவிட்டால் அது அப்படியே ஒரு டேப்பாக இருக்கும். இதனை எப்போது கிளிக் செய்தாலும் அது இயங்கத் தொடங்கும்.

புக்மார்க்லெட் எங்கிருக்கிறது என்று கண்டறிய சர்ச் இஞ்சின் உதவியை நாடவும். சில புக்மார்க்லெட்கள் ஏதாவது ஒரு பிரவுசரில் மட்டுமே இயங்கும்படி அமைக்கப்பட்டிருக்கும். எந்த பிரவுசரில் அது இயங்கும் என்பதற்கு அந்த பிரவுசரின் லோகோ தரப்பட்டிருக்கும். இந்த புக்மார்க்லெட்களை உங்கள் பிரவுசரில் பதித்தவுடன் அதன் பெயர்கள் வித்தியாசமாகக் காட்டப்படும். எனவே அதில் ரைட் கிளிக் செய்து கிடைக்கும் மெனுவில் ரீ நேம் தேர்ந்தெடுத்து அதன் பயன்பாட்டிற்கேற்ற பெயர் ஒன்றைச் சூட்டவும்.

எடுத்துக் காட்டாக ஒரு மிகப் பயனுள்ள புக்மார்க்லெட் ஒன்றைக் கூறுகிறேன். ஆயிரக்கணக்கான வாசகர்கள் போனிலும் கடிதங்கள் மூலமாகவும் யு–ட்யூப் தளத்தில் இயங்கும் வீடியோ படங்களை எப்படி நம் கம்ப்யூட்டரில் வீடியோ பைலாகப் பதியலாம். அதற்கான புரோகிராம் எங்குள்ளது? என்று கேட்டுள்ளனர். இந்த நோக்கத்துடன் புக்மார்க்லெட்டினைத் தேடிப்பார்க்கையில் பல புக்மார்க்லெட்டுகள் இதற்கென இருப்பது தெரிய வந்தது. இதில் ஒன்றைத் தேர்ந்தெடுத்தேன். அதன் முகவரிhttp://googlesystem.blogspot.com/2008/04/downloadyoutubevideosasmp4files.html
இந்த தளத்தில் இதற்கான புக்மார்க்லெட் Get You Tube videoஎனக் கட்டம் கட்டி உள்ளது. இன்டர்நெட் எக்ஸ்புளோரர் பயன்படுத்தினால் இதன் மீது ரைட் கிளிக் செய்து புக்மார்க்காக இணைக்கச் சொல்லவும். சிறிய விண்டோவில் என்ன பெயரில் சேவ் செய்திட என்றெல்லம் கேட்டுவிட்டு இது புக்மார்க்காக இணைக்கப்படும். புக்மார்க் பட்டியலில் இது இறுதியாக இடம் பெற்றிருக்கும். பயர்பாக்ஸ் பிரவுசரில் இந்த இடத்தில் மவுஸை அழுத்திப் பிடித்து இழுத்து லிங்க்ஸ் பாரில் கொண்டு சென்று விட்டுவிடலாம். ஒரு டேப்பாக இது இருக்கும்.

நீங்கள் யு–ட்யூப் தளத்தில் ஒரு வீடியோ காட்சியினை ரசிக்கிறீர்கள். அதனை உங்கள் கம்ப்யூட்டரில் ஒரு பைலாக சேவ் செய்திட விரும்புகிறீர்கள் என்றால் உடனே இந்த புக்மார்க் அல்லது புக்மார்க்லெட்டில் கிளிக் செய்தால் உடனே வீடியோ இயங்குவது நிறுத்தப்பட்டு வீடியோ பைல் பதியப்படும். இதே போல் பல்வேறு செயல்பாடுகளுக்கான புக்மார்க்லெட்டுகளைத் தேடிப் பார்த்து பதிந்து வைத்துக் கொள்ளவும்.

டிபிராக்செய்திடும் Drfraggler இலவச புரோகிராம்கள்

டிபிராக்செய்திடும் Drfraggler இலவச புரோகிராம்கள்

நாளை மாதத்தின் இறுதிநாள். பலர் இன்றோ நாளையோ கம்ப்யூட்டரை டிபிராக் செய்திட வேண்டும் எனத் திட்டமிட்டிருப்பார்கள். விண்டோஸ் எக்ஸ்பி ஆப்பரேட்டிங் சிஸ்டத்துடன் தரப்பட்டிருக்கும் டிபிராக் பைலை இயக்கிப் பொறுமையாகக் காத்திருந்து செயலை முடிப்பார்கள். டிபிராக் செய்வதற்கு வேறு சில புரோகிராம்களும் இணையத்தில் கிடைக்கின்றன. அதுவும் இலவசமாகவே. அவற்றை இங்கு காண்போம்.

இங்கு சிறிய அளவிலான நான்கு புரோகிராம்களைப் பார்க்கலாம்.

1.SpeeDefrag: Vicky’s Cool Software என்ற நிறுவனத்தால் உருவாக்கப்பட்டுhttp://www.vcsoftwares.com/SpeeDefrag.html என்ற முகவரியில் உள்ள இணைய தளத்தில் இது தரப்படுகிறது. இதனுடைய பெயர் வித்தியாசமாக எழுதப்பட்டுள்ளது மட்டுமின்றி மற்ற டிபிராக் புரோகிராம்களிலிருந்து இது வேறுபட்டது. இது விண்டோஸ் டிபிராகிங் புரோகிராமினை முழுமையான செயல்பாட்டிற்குக் கொண்டுவருகிறது. கம்ப்யூட்டரை ரீ ஸ்டார்ட் செய்து ராம் மெமரியைக் காலி செய்து defrag.exe புரோகிராம் மட்டும் லோட் செய்கிறது. இதனால் சிஸ்டத்தில் குறைந்த அளவே லோட் ஏறுகிறது. டிபிராக் பணி வேகமாக நடந்தேற இது வழி வகுக்கிறது. டிபிராக் முடிந்தவுடன் கம்ப்யூட்டரை ஷட் டவுண் செய்கிறது; அல்லது ரீ ஸ்டார்ட் செய்கிறது. அத்துடன் டிபிராக் செய்திடுவதற்கான கால வரையறையை அமைக்க உதவுகிறது. டிபிராக் செய்திடும் முன் டிஸ்க் செக்கிங் செயல்பாட்டையும் மேற்கொள்கிறது. ஒரே நேரத்தில் ஒன்றுக்கு மேற்பட்ட டிரைவ்களை இதன் மூலம் டிபிராக் செய்திடலாம். இதன் பைல் அளவு 3.44 எம்.பி. எக்ஸ்பி மற்றும் விஸ்டா ஆப்பரேட்டிங் சிஸ்டங்களில் மட்டுமே இயங்கும் இந்த புரோகிராமை இலவசமாக டவுண்லோட் செய்திடலாம்.

2. Defraggler: இந்த புரோகிராம் சிகிளீனர் என்னும் பிரபலமான புரோகிராமினைத் தயாரித்த நிறுவனமான Piriform தயாரித்து வழங்குகிறது. (சி கிளீனர் கம்ப்யூட்டர் சிஸ்டம் ரெஜிஸ்ட்ரியில் உள்ள தேவையற்ற குறியீடுகளை நீக்கும் புரோகிராம் என்பது உங்களுக்குத் தெரிந்ததே.) பொதுவாக டிபிராக் புரோகிராம்கள் முழு டிரைவினையும் மொத்தமாக எடுத்துக் கொண்டு டிபிராக் பணியில் ஈடுபடும். இந்த புரோகிராம் மூலம் ஒரு குறிப்பிட்ட பைலை மட்டும் தேர்ந்தெடுத்து அதனை டிபிராக் செய்திடச் செய்யலாம். அத்துடன் டிபிராக் செய்கையில் நமக்கு எளிதான இன்டர்பேஸ் மூலம் தகவல்கள் காட்டப்படுகின்றன. அனைத்து பைல்களையும் டிபிராக் செய்த பின்னர் பைல்களை இது பட்டியலிடுகிறது. ஒரு பைலைத் தேர்ந்தெடுத்தால் அது டிஸ்க்கில் எங்கே உள்ளது என்றும் எப்படி சிதறிக் கிடக்கிறது என்றும் பார்க்கலாம். வழக்கமான விண்டோஸ் டிபிராக் புரோகிராமினைக் காட்டிலும் வேகமாக இது செயல்படுவதனையும் இங்கு குறிப்பிட வேண்டும். http://www.defraggler.com என்ற முகவரியில் உள்ள தளத்தில் இதனைப் பெறலாம். இதற்கான பைல் அளவு 1 எம்.பிக்கும் குறைவானதாகும். விண்டோஸ் 2000 முதல் அதற்குப் பின் வந்த விஸ்டா வரை அனைத்து ஆப்பரேட்டிங் சிஸ்டங்களிலும் இதனைப் பயன்படுத்தலாம். தனி நபர் மற்றும் நிறுவனங்களுக்கும் இது முற்றிலும் இலவசம்.

3. PageDefrag:தொழில் நுட்ப ரீதியாகச் செயல்படும் புரோகிராம்களில் இந்த புரோகிராம் சிறப்பானதாகும். Sysinternals என்னும் மைக்ரோசாப்ட் நிறுவனப் பிரிவு தயாரித்து வழங்கும் புரோகிராம்.இந்த டிபிராக் புரோகிராம், சிஸ்டம் பைல்களையும் டிபிராக் செய்கிறது. பொதுவாக டிபிராக் செய்யப்படுகையில் சிஸ்டம் பைல்கள் தொடப்படுவதில்லை. இந்த வழக்கத்திற்கு மாறாக இந்த புரோகிராம் அவற்றையும் டிபிராக் செய்யத் தயாராய் உள்ளது. மேலும் இந்த பைல்களெல்லாம் எவ்வாறு ஹார்ட் டிஸ்க்கில் இடம் பெற்றுள்ளன என்றும் காட்டப்படுகிறது.http://www.vcsoftwares.com/SpeeDefrag.html. இந்த பைலின் அளவு 70 கேபி மட்டுமே.

4.Ultra Defrag: விண்டோஸ் பிளாட்பார்ம் சிஸ்டத்திற்கென எழுதப்பட்ட ஓப்பன் சோர்ஸ் புரோகிராம் இது. படுவேகமாக இந்த டிபிராக் புரோகிராம் செயல்படுகிறது. ஏனென்றால் டிபிராக் செய்வதற்கு ஒரு கெர்னல் மோட் புரோகிராம் பயன்படுத்தப்படுகிறது. கிராபிக்ஸ் டிஸ்பிளே மூலம் நம் ஹார்ட் டிஸ்க்கில் பைல்கள் எந்த அளவில் சிதறிக் கிடக்கின்றன என்று காட்டுகிறது.கிளஸ்டர்களெல்லாம் வண்ணத்தின் மூலம் பிரித்தும் காட்டப்படுகின்றன.

http://ultradefrag.sourceforge.net/ ஒவ்வொரு வகை சிஸ்டத்திற்கும் தனித்தனியே டவுண்லோட் செய்திட பைல்கள் தரப்பட்டுள்ளன. 32 பிட் (விண்டோஸ் என்.டி., 2000, 2003, 2003 சர்வர், விஸ்டா) ஏ.எம்.டி. 64 பிட் (ஏத்லான் 64, டுரியன் 64, பினாம் ), இன்டெல் 62 பிட்(பென்டியல் டூயல் கோர், கோர் 2 டுயோ, கோர் 2 குவாட், கோர் ஐ7). தற்போது இந்த புரோகிராமின் 3 ஆவது பதிப்பு பைல் கிடைக்கிறது.

பதற்றத்தில் பைல்களை அழித்தால்..

சில சிக்கலான சூழ்நிலைகளில் நம் கம்ப்யூட்டர் நம்மை நிறுத்திவிடும். ஹார்ட் டிஸ்க் தன் பணியில் தொய்வினைக் காட்டும். அல்லது சண்டித்தனம் செய்திடும் குதிரையாக அப்படியே நின்றுவிடும். ஹார்ட் டிஸ்க் எத்தனை ஆண்டுகளுக்கு நமக்காக சுழன்று சுழன்று உழைக்கும். எந்த எச்சரிக்கையும் தராமல் இந்த ஸ்டிரைக் வந்தால் என்ன செய்வது? ஹார்ட் டிஸ்க்கை விடுங்கள். நாம் கூட சில வேளைகளில் தவறாகச் செயல்பட்டு அய்யோ என தலையில் கைவைத்து அமர்ந்துவிடுவோம். பல வேளைகளில் தேவையான முக்கிய பைலை நம்மை அறியாமலேயே அழித்துவிடுவோம். ஒரு சிலர் தெம்பாக ரீசைக்கிள் பின்னுக்குச் செல்லவிடாமல் ஷிப்ட அழுத்தி அழிப்பார்கள். ஒரு சிலர் ரீ சைக்கிள் பின்னில் இருந்து அப்புறம் எடுத்துக் கொள்ளலாம் என்று தொடர்ந்து மற்ற நீக்க வேண்டிய பைல்களை அழிப்பார்கள். முதலில் ரீசைக்கிள் பின்னுக்கு அனுப்பப்பட்ட பைல் ஒரு கட்டத்தில் அங்கிருந்தும் அகன்றுவிடும்.

இது போன்ற சூழ்நிலைகளில் என்ன செய்வது? ஹார்ட் டிஸ்க் ஸ்டிரைக் செய்திடும் முன் என்ன பாதுகாப்பு நடவடிக்கைகளை எடுக்கலாம் என்று இங்கு காண்போம். இது போன்ற சூழ்நிலைகளில் உதவுவதற்கென்றே பல பைல்கள் இணையத்தில் கிடைக்கின்றன. ஹார்ட் டிஸ்க் வழியே தானே எப்போதும் கம்ப்யூட்டரை பூட் செய்கிறீர்கள். அது ஸ்டிரைக் செய்தால் உடனே ஒரு சிடி மூலம் பூட் செய்திடலாம். இதற்கான பூட்டிங் சிடி தயாரிப்பது நமக்கு எப்போதும் கை கொடுக்கும். இதற்கு Ultimate Boot CD என்ற சாப்ட்வேர் தொகுப்பினைப் பயன்படுத்தலாம். இது இலவசமாக இணையத்தில் கிடைக்கிறது. இது பூட்டிங் பணி மட்டுமின்றி மேலும் பல பணிகளுக்கும் உதவுகிறது. ஹார்ட் டிஸ்க்கை பார்ட்டிஷன் செய்ய, ஹார்ட் டிஸக்கின் பழுதுகளை களைய என பல யுடிலிட்டிகளை இங்கு காணலாம்.www.ultimatebootcd.com என்ற முகவரியில் உள்ள தளத்திலிருந்து இதனை இறக்கிக் கொள்ளலாம்.பின் அதனை ஒரு சிடியில் பதிந்து அவசர காலத்தில் பயன்படுத்துங்கள்.

இதன் மூலம் ஹார்ட் டிரைவின் இமேஜ் ஒன்றை உருவாக்கி அதை சிடியில் பதிந்து வைக்கலாம். அல்லது இன்னொரு டிரைவில் போட்டு வைக்கலாம். இதனால் என்ன பலன் என்றால் இமேஜ் ஒன்று உருவாக்கப்படுவதால் ஹார்ட் டிஸ்க்கில் உள்ளதற்கு பேக் அப் எடுக்க வேண்டியதில்லை. முதல் முறை இமேஜ் உருவாக்குகையில் மேலே சொல்லப்பட சாப்ட்வேரில் உள்ள அப்ளிகேஷன் அனைத்து பைல்களுக்கும் பேக் அப் எடுத்து வைத்துக் கொள்ளும். பின் நாம் அடுத்து அடுத்து இமேஜ்களை உருவாக்குகையில் புதிய பைல்கள் தொடர்ந்து பேக் அப் எடுக்கப்படும். பைல்களில் மாற்றங்கள் செய்யப்பட்டாலும் அவற்றிற்கும் புதிய பேக் அப் பைல்கள் உருவாக்கப்படும்.

இவ்வாறு இமேஜ் தயாரிப்பதற்கு மேலும் சில சாப்ட்வேர் தொகுப்புகள் உள்ளன. இவற்றை சர்ச் இஞ்சின் மூலம் தேடி எடுத்துக் கொள்ளுங்கள். அவற்றில் சிலவற்றை தருகிறேன்: Partition Saving, Part Image, True Image, RDrive Image, HD Clone Free Edition. இதில் இறுதியாகக் கூறப்பட்ட HD Clone Free Edition இலவச தொகுப்பாகும். இதனைப் பெறwww.miray.de/download/sat.hdclone.html என்ற முகவரியில் உள்ள இணைய தளத்திற்குச் செல்லவும்.

ஒரு சில பைல்கள் நமக்கு மிக மிக முக்கியமானவையாக இருக்கும். நம் அன்றாட பணிகள் அவற்றைச் சுற்றியே இருக்கும். அத்தகைய பைல்களை நாமே பேக்கப் எடுக்கலாம். அல்லது கம்ப்யூட்டரே எடுத்து வைப்பதற்கான சாப்ட்வேர்கள் மூலம் எடுக்கலாம். Save and Backup, Second copy போன்ற சாப்ட்வேர்கள் இதற்கு உதவும். www.bygsoftware.com மற்றும் ஆகியwww.centered.com முகவரிகளில் உள்ள இணைய தளங்களில் இவற்றைக் காணலாம்.

ஒரு பைலை அழித்துவிட்டால் அது விண்டோஸின் ரீசைக்கிள் பின்னில் பாதுகாப்பாக இருக்கும். ரீசைக்கிள் பின்னைத் திறந்து அழித்த பைலை மீட்கலாம். ரீசைக்கிள் பின்னை சுத்தமாக காலி செய்தால் அந்த பைல் கிடைக்காது. ஷிப்ட் கீயை அழுத்திக் கொண்டு ஒரு பைலை அழித்தால் அந்த பைல் ரீசைக்கிள் பின்னிற்குச் செல்லவே செல்லாது. நாம் பைலை அழிக்கும் போது அது ரீசைக்கிள் பின்னுக்குச் செல்கிறது.

சரி, அப்புறம் தொடர்ந்து பைல்களை அழிக்கையில் அவையும் செல்கின்றன. சரி. அப்புறம் என்னவாகும். எத்தனை பைல்களைத் தான் ரீசைக்கிள் பின் தாங்கும். அது நிறைந்தவுடன் முதலில் அனுப்பிய, கீழாக இருக்கும் பைலை விண்டோஸ் அழித்துவிட்டு அடுத்து அழிக்கும் பைல்களுக்கு இடம் கொடுக்கும். ஆக ரீசைக்கிள் பின்னில் இருந்தாலும் அதனை எப்போதும் மீண்டும் எடுத்துக் கொள்ளலாம் என்பது சரியல்ல, அல்லவா.

இதற்குக் காரணம் உங்கள் ஹார்ட் டிஸ்க்கின் அளவில் 10% இடம் தான் ரீசைக்கிள் பின்னுக்கு ஒதுக்கப்பட்டுள்ளது. எனவே பைல்களை மீட்டு எடுக்க தவறி விட்டாலோ அல்லது தொடர்ந்து நிறைய பைல்களை அழித்தாலோ ரீசைக்கிள் பின்னிலிருந்தும் பைல்களை மீட்க முடியாது. இந்த வேளையில் வேறு சில அப்ளிகேஷன் சாப்ட்வேர்கள் நமக்கு உதவுகின்றன. இவை Filerecovery சாப்ட்வேர் தொகுப்புகள் என அழைக்கப்படுகின்றன. இவற்றில் PC Inspector Smart Recovery, PC Inspector File Recovery என்ற சாப்ட்வேர்கள் பிரபலமானவை. இவற்றை www.pcinspector.de என்ற முகவரியில் உள்ள தளத்திலிருந்து பெற்றுக் கொள்ளலாம். இந்த தளம் பிரெஞ்ச் மொழியில் இருக்கும். அதனை ஆங்கிலத்தில் வேண்டும் என்றால் அதிலேயே மொழிகள் என்ற பிரிவில் ஆங்கிலம் தரப்பட்டிருக்கும். அதனைக் கிளிக் செய்தால் தளம் ஆங்கிலத்தில் கிடைக்கும். ஒரு சில ஆண்டி வைரஸ் தொகுப்புகளும் இந்த பைல் ரெகவரி வசதியை அளிக்கின்றன. எனவே சில முன்னெச்சரிக்கை நடவடிக்கைகளை எடுப்பதன் மூலமும் ஆபத்து காலத்தில் உதவிடும் பைல்களின் மூலமும் நாம் அழியும் பைல்களை மீட்க முடியும் என்ற நம்பிக்கையுடன் செயல்படுவோம்.

அனைத்து புரோகிராம்களையும் முடிவிற்குக் கொண்டுவர

அனைத்து புரோகிராம்களையும் முடிவிற்குக் கொண்டுவர

இந்த வாரம் உங்களின் இன்ஸ்டலேஷன் தலைவலிக்கான இலவச டவுண்லோட் ஒன்றைச் சொல்லப் போகிறேன். ஏதேனும் புரோகிராம் ஒன்றை இன்ஸ்டால் செய்ய முயற்சிக்கையில் கம்ப்யூட்டரில் இயங்கிக் கொண்டிருக்கும் அனைத்து புரோகிராம்களையும் மூடிவிடுங்கள் என்று ஒரு எச்சரிக்கைச் செய்தி கிடைக்கும். சில வேளைகளில் நாம் சாப்ட்வேர் புரோகிராம் ஒன்றை வாங்கி வந்திருப்போம். அதற்கான குறிப்புகளிலும் சிறிய எழுத்துக்களில் எச்சரிக்கையாக இயங்கிக் கொண்டிருக்கும் அனைத்து புரோகிராம்களையும் மூடச் சொல்லி செய்தி இருக்கும்.

சரி, எப்படி அனைத்து புரோகிராம்களையும் ஒரு சேர மூடுவது? சில வேளைகளில் நிறைய புரோகிராம்கள் இயங்கிக் கொண்டிருந்தால் மூடுவதற்குச் சோம்பேறித்தனப்பட்டு அப்புறம் இன்ஸ்டலேஷனை வைத்துக் கொள்ளலாம் என்று முடிவெடுத்து ஒத்தி போடுவோம். இந்த சந்தர்ப்பங்களில் உதவிடுவதற்காகவே சிறிய புரோகிராம் ஒன்று இலவசமாக டவுண்லோட் செய்திடும் வகையில் அளிக்கப்பட்டுள்ளது. இதன் பெயரே End it all என்பதுதான். இதனை இன்ஸ்டால் செய்து இயக்கினால் ஒரு மெனு பார் ஒன்று கிடைக்கிறது. இதில் ஒரு சிறிய எக்ஸ் அடையாளம் கொண்ட படம் கிடைக்கும். இதனை அழுத்தினால் ஒரு புரோகிராம் மட்டும் மூடப்படும். மண்டை ஓட்டுடன் இரண்டு எலும்புகள் கொண்ட படம் உள்ள ஐகான் உள்ளது. இதனை அழுத்தினால் ஒரு புரோகிராம் நீக்கப்படும். இரண்டு எக்ஸ் கொண்ட படம் உள்ள ஐகான அழுத்தினால் பல புரோகிராம்கள் ஒரே நேரத்தில் மூடப்படும். அதன் அருகே மண்டை ஓடு எலும்புகள் உள்ள ஐகானை அழுத்தினால் பல புரோகிராம்கள் மொத்தமாக நீக்கப்படும். எதற்கும் முதலில் மூடப்படுவதற்கான ஐகானை அழுத்தி செயல்படுத்திப் பார்க்கவும்.

இந்த என்ட் ஆல் புரோகிராமிற்கான பைலைப் பெறhttp://www.docsdownloads.com/enditall1.htm என்ற முகவரியில் உள்ள இணைய தளம் செல்லவும்.